أرض
من وحي مقال لشربل بعيني:
اختلفوا خطوط الطول وخطوط العرض
وكل مين بدو موقفو يصفي فرض
ولما الزمن وقف بآخر هالحياة
ضاعوا الخطوط وما بقي غير الأرض
**
رح قولها تالناس فيها يفكروا
ويستخلصوا معناتها ويتذكروا
الزايدين العقل عم يتناقصوا
والناقصين العقل عم يتكاتروا
**
الايد للي رفعت هالدني بتدبيرها
بتقوم وقت الضيق في تدميرها
العالم بتاكل بعضها لما البطون
من الجوع بدها تزقزق عصافيرها
**
هالأرض يللي مسودني طول وعرض
وعم ترتجي من الشمس تا تاخد قرض
فيها بشر عالموت آخدها العمى
وعملوا الرذيله شرع فرضوها فرض
وهودي البشر لما بيروحوا عالسما
رح يخربوها متل ما خربوا الأرض
**
القيرواني
أظن: ترجمت خطأ (من اليونانية أو اللاتينية لغة الكنيسة حتى مطلع القرون الوسطى) . فجاءت “القيرواني” والأصح “القيريني” من قيرية أو قيرينية وهي منطقة في فلسطين بحسب جغرافيا ذلك الزمن . ولأنها وردت في أناشيد وتراتيل قديمة فانها لا تزال ترد على ألسنة الكثيرين بحجة خطأ شائع خير من صواب ضائع. وقد صححها المؤرخ المرحوم فؤاد افرام البستاني قبل عدة عقود من الزمن
**
ضمة طفل
خلوا الحكي المقطوف من زهر الدفل
يفتح بواب المعرفه ويلغي القفل
بالنقد لا تكسر عصا، خلي النقد
مرفوع بالضمه متل ضمة طفل
**[center]
الرئيسية 
اخوات في الله فيس بوك 
