أرجـو التفسيــر...

حلمت أنى كنت راجعه من المدرسة أنا وصحبتى وكنا ماشيين وبعدين وصلت لحد مسجد (سيدى عبدالرحيم القنائى )هو أصلآ فى البلد اللى انا عايشه فيها..وبعدين قولت لصحبتى انا لازم ادخل أصلى فيه طالما جيت لحد هنا وبعدين دخلت بس لقيت ان مكان الصلاة مقفول والناس كانت قاعدين من بره قولت مش مشكله انا هــقرأ الفاتحه (لسيدى عبدالرحيم) وقرأتها وبعدين فضلت أدعى لعائلتى وليا زى ما انا بدعى فى الواقع...ومشيت ...وبعد كده جيت تانى (سيدى عبد الرحيم) بس كان معايا مامتى ودخلنا علشان نصلى وبعدين قابلتنى واحده كانت لابسه نقاب وادتنى 3 علب (رز بلبن)وادتنى 3ملاعق بس انا قولتلها انى مش عاوزه وحطتهم على الارض ومشيت ..وبعدين ماما أخدت علبه وأكلتها وبعدين دخلت مكان الصلاة ولما دخلت كان فيه غرفه لقيت فى الغرفه سرير والسرير ده كان عليه جدتى وكان معاها الست المنقبه وست تانى (ومع العلم ان جدتى متوفيه) سلمت عليها وقلتلها يا تيته انتى ايه اللى مقعدك هنا قالتلى ده مكان انا هنا عالطول وبعدين قالتلى انتى أكلتى (رز بلبن) قولتلها لآ..قالتلى روحى وهاتى علبه وكوليها قولتلها طيب وروحت وفتحت العلبه وبقيت اكل منها وبعدين تيته قالتلى حطى عليها ملعقة نـشا علشان يعنى تظبطها اكتر راح قالتلى هتيلى انا كمان علبه جبتلها علبه وأكلتها منها شويه وبعدين الاذان أذن وقالتلى يلا أسندينى علشان نروح نصلى المغـــرب وأخدها هى وماما وروحنا علشان نصلى......أرجـو التفسيــر


الحلم الثانى : بس انا حلمته من يومين تقريبآ...حلمت انى كنت فى المدرسة ودخلت الفصل وكانت فى الفصل قاعده بنت عمى (هى فى الاصل أدى فى السن بس هى مش معايا فى المدرسه)...وبعدين دخلت زوجة عمى وكان معاها ست وبنت قالتلى سليمى عليهم سلمت عليهم راح الست ادتنى هدية سبوع وكانت مغلفه بالبيض كان شكلها جميل جدآ جدآ وادتنى كارت فى اسم المولود الثلاثى بس انا لم اتذكر اسم المولود (على اساس ان المولود ده يبقى ابن بنت عمى )وقالتلى لازم تيجى السبوع قولتلها اكيد هاجى وفرحت بالحاجه اللى ادتهانى لانها كانت جميله جدآ......

الحلم الاول
انتى ماشية في الالتزام لكن ببطي لكن سوف تلتزمي قريبا لان الفاتحة تدل على انك سوف تفتح لك ابواب الخير وتغلق ابواب الشر ان شاء الله
الارز بالبن يدل على الرزق لكي بعد قليل من التردد لكنه سوف ياتى لانك اكلتى والجدة رمز للخير لكي صلاة المغرب صلاح لكي وتمسكك بالسنه

الحلم التاني
يدل علي وجود حمل لاحد افراد العائلة
والله تعالى اعلم

ألف شكــر لكى دكتورتنـا الغالية...